Бомбардирање со љубов – одлична алатка за родителите ако се користи на вистински начин

Бомбардирање со љубов меѓу возрасните не е пожелно, тврдат психолозите.

Тоа е всушност другата крајност на искрената љубов, онаа што служи како тактика за стекнување моќ. Со други зборови, ваквото однесување се смета за манипулативно и нарцисоидно. Но, кога станува збор за децата, бомбардирањето со љубов може да биде многу моќна алатка за ресетирање на емоционалното однесување. Она што треба да знаете е како да ја користите оваа алатка за да не преминете на опасна токсична територија.

За што точно станува збор?

Накратко: тоа е метод кој има за цел да помогне за длабока врска со детето, нудејќи му го целото ваше внимание без одвлекување внимание. Во суштина, станува збор за квалитетно време што го поминувате со вашето дете. Овој пристап можете да го користите во различни ситуации. Целта е да ги вратите емоциите на детето на вистинскиот пат преку одредена количина љубов (играње со детето неговата омилена игра) и да го донесете во безбедна зона.

Како да знаете дека за вашето дете е потребен ваков метод?

Ако вашето дете доживеа големи промени и се однесува многу повлечено.

Ако имало потешкотии во училиште (преку Интернет) или во градинка со преселување во нова група.

Ако вашето дете изгледа незаинтересирано за светот околу него.

Ако сте забележале дека во неговите очи го нема вообичаениот сјај.

Ако вашето дете мисли дека е несреќно, дека никој не се грижи за него, дека е осамено.

Ако вашето дете е често луто и агресивно.

Како да се спроведе бомбардирање со љубовта на позитивен начин?

Направете список на специјални активности што детето сака да ги правите заедно и кога ќе забележите дека е вознемирено, кажете му да избере нешто од списокот. Одвојте време да и се посветите на активноста што ја избра вашето дете без одвлекување на вниманието.

Променете го начинот на размислување на детето предлагајќи заедничка прошетка, возење велосипед, посета на паркот. За тоа време, обидете се да комуницирате со него што е можно повеќе и да одговорите на неговите прашања. Дајте му загатки како препознавање дрвја и растенија и кога ќе стигнете дома замолете го да нацрта што сте виделе.

Скршете ги правилата. Вистинските правила постојат за да се има контрола врз однесувањето на детето, но ако тој е видливо вознемирен, целата таа контрола нема смисла. Нека пие чоколадно млеко наместо вкусна овошна закуска. Запомнете дека и вие бевте мали и дека тоа ви значеше многу во моменти кога не беше сè во совршен ред.