Непријатен мирис од мијалникот? Брзо ослободете се од смрдеата со овие неколку трикови

Често се случува да дојде непријатен мирис од мијалникот во кујната, а причина за овој мирис најчесто се остатоците од храна кои се таложат во одводот и на кои потоа се формираат бактерии. Покрај тоа што разни течности и ситни остатоци од храна кои се заглавуваат во одводот може да почнат да мирисаат со текот на времето, тие можат да предизвикаат и блокирања. Поради оваа причина, многу е важно редовно да се чисти и исплакнува одводот, а еве како најлесно да го направите тоа.

Сода бикарбона и крупна сол
Наполнете го тенџерето со вода и варете додека не зоврие. Потоа додадете пет лажици крупна сол и исто толку сода бикарбона, па истурете ја во одводот. Ќе исчезнат непријатните мириси и бактериите.

Сода бикарбона и алкохолен оцет
Сварете половина литар вода и додадете една чаша алкохолен оцет. Потоа во отворот на мијалникот ставете околу 100 грама сода бикарбона, а потоа зовриена вода со оцет. Приклучете го одводот и оставете го да работи преку ноќ.

Оцет и крупна сол
Откако ќе зовријат два литра вода, додадете малку оцет и неколку лажици крупна сол. Истурете ја смесата во одводот малку по малку, во интервали од еден час.

Лимон
Исцедете два лимони и истурете го сокот во одводот. Оставете го да делува неколку часа и, ако можете, не отворајте ја славината за тоа време. Лимонот е одлично природно средство за дезинфекција.