Која е разликата помеѓу кафените и белите јајца?

Кога станува збор за купување јајца, на пазарот обично има два вида – со бела и кафеава лушпа.

Дали нивната боја влијае на вашиот избор? Можеби купувате бели јајца затоа што сте пораснале на нив или некаде сте слушнале дека јајцата со потемна лушпа се поздрави?

Белите и кафените јајца дефинитивно изгледаат поинаку, ќе ја забележите разликата во цената, но дали се разликуваат по содржина?

Разликата помеѓу кафените и белите јајца
Кога станува збор за нивната боја, разликата е во типот на кокошката. Најчесто оние со бели пердуви несат бели јајца, додека оние со црвено-кафени пердуви несат кафени. Можеби не сте слушнале досега, но постојат типови на кокошки кои несат јајца во сина боја.

Дали кафените јајца се подобри од белите?
Бојата на јајцата не е показател за квалитет. Кога станува збор за вкусот и исхраната, нема разлика помеѓу бели и кафени јајца. Иако кафените јајца често се поскапи, тие не се подобри за вас од белите јајца. Разликата во цената е делумно маркетиншки трик, делумно затоа што женките со црвено-кафени пердуви се поголеми од оние со бели пердуви, затоа што јадат повеќе, а земјоделците некако треба да ја надополнат зголемената потрошувачка на храна и да ја зголемат нивната цена.

Дали кафените јајца се многу поцврсти?
Ако некогаш сте забележале дека некои јајца потешко се кршат од другите, тоа е поради староста на кокошката, а не поради бојата на самото јајце. Помладите кокошки имаат тенденција да несат јајца со посилни лушпи, додека постарите кокошки снесуваат јајца со помеки лушпи. Ова се однесува и на белите и на кафените јајца.

Па, кои јајца ги претпочитате, бели или кафеави?