Мајки, жени, кралици без вас светот би бил едно огромно Ништо!

Мајки, жени, кралици! Вие ја заслужувате најголемата и најдлабоката среќа на овој свет. Без вас светот би бил огромно Ништо. Љубете се, ценете се и гордејте се!

Секој ден треба да се слави роденден на секоја една мајка на светов.

Оти, без нив е тешко.

Без нивната љубов не се може, без нивните прегратки денот е тажен.

Без нивната грижа и посветеност не би знаеле да го цениме и сакаме животот, да се љубиме себе си, да ги љубиме и другите луѓе.

Мајките лекуваат, мајките крепат и крпат рани.

Мајките го прават најдоброто за секое дете.

Мајките советуваат, караат и учат, учат како треба, а како не треба да се врви низ животот полн пречки и тешкотии.

Мајките би го дале својот живот, како што го даваат своето време за детето.

Мајките се најискрените пријатели на децата.

Не љубоморат, туку се гордеат и мотивираат.

Помагаат и кога немаат ни капка сила во нив.

Мајките сослушуваат и кога не можат, оти за децата се секогаш можат.

Тие не чекаат право време за нешто, тие го создаваат со големи маки, сега, одма и веднаш.

Тврдоглаво се борат низ животот.

Мајките помагаат без да очекуваат нешто за возврат.

Простуваат и работи кои не се за простување.

Нивната единствена желба е здрави и среќни да им се децата.

Најголема мотивација им се децата, за нив ќе го освојат светот!