Животот со пријатели е полесен, поубав и поинтересен!

Труло општество, брз начин на живот, слободнмо време скоро ич… Се тоа потпомага за едни од други ние луѓето да се оддалечуваме. Ретко си креваме слушалки, ретко излегуваме и ретко се посветуваме едни на други.

Не, оти така, не е убаво. Најдете време за вистинските пријатели, одвојте некој саат и прославувајте го пријателството во секој слободен миг. Бидете тука за блиските, не свртувајте им грб само за да спиете еден час повеќе. Сите имаме обрски, сите работиме, сите имаме и проблеми, но, тоа не значи дека треба да се оттуѓиме. Сами на светов сме дојдени, сами и ќе си заминеме, па ајде во друшто да проживееме. Викендите се одлични за дружба со пријателите. Згответе убаво јадење, оладете го пивото и повикајте ги. Смејте се, зборувајте, споделувајте маки. Полесно ќе најдете решение повеќе глави, отколку сами. Од време на време купете им некој симболичен поклон, израдувајте ги, изненадете ги.

Животот со пријатели е полесен, поубав и поинтересен. Бидете им поддршка, чувајте ги и пазете ги добро оние вистинските и искрените. Славете го животот: Славете го пријателтвото. Славете ја љубовта. Славете го секој нов ден!