Дали е во ред децата да се тепаат кога грешат?

Пред да изгубите нерви и да замавнете со рака, размислете малку… А пред тоа, прочитајте го овој текст!

Рускиот психолог со 30-годишна пракса, Михаил Лабковски, упати апел до сите родители: „Да се ​​тепа дете значи да се скрши неговата верба во животот!“

Пријатели, сакав да ви кажам зошто не треба да ги тепате децата (ако поради некоја причина не ви е очигледно).

Кога сме во стресна состојба, на пример, заканата ни „виси над глава“, ни се потсмеваат или ни нанесуваат физичка болка – во крвта се ослободува група на таканаречени глукокортикоидни хормони. Тоа се „хормоните на стрес“ кои се одговорни за одговорот „бори се или бегај“ на напад.

Овој процес е доста сложен и влијае на телото долго време. Затоа, кај децата, во присуство на нивните родители, овие хормони не се ослободуваат во крвта. Така, природата го штити телото на детето во развој од дополнително оптоварување.
Ако самиот родител стане извор на стрес, тогаш детето нема да го сфати тоа насилство како опасност. Односно нема стрес, за него е „нормално“, се е во ред, ПА МОРА ДА БИДЕ БИДЕЈЌИ од родителите доаѓа.

Што мислите, во каква личност ќе порасне вашето дете, кое уште од мали нозе верува дека насилството и агресијата се нормална состојба и однесување?

И што се случува ако детето дојде во контакт со вистинска возрасна закана?

Ќе Ви одговорам од психолошки, а не од физиолошки аспект.

Постојат две сценарија: детето ќе стане агресивец или жртва.

Да се ​​тепа дете значи да му се скрши вербата во животот.

Ве молиме најдете сила во себе и разберете колку е погрешно да се тепаат децата! Можно е и вие самите да сте биле тепани како дете, а тие тепања сигурно се уште ги паметите како најболното нешто што ви се случило додека растевте.

Пријатели, ова е многу сериозна и многу важна тема. Искрено се надевам дека ќе разберете за што зборувам, вели познатиот психолог.