Како да се борите против акните кои настанале од носењето заштитна маска?

Акните се хронични воспалителни заболувања на кожата, предизвикани од промени во пилозебаеалната единица (структура лоцирана во кожата и која се состои од фоликули на косата и придружни лојни жлезди). Акните обично се нарекуваат мозолчиња. Оваа состојба обично се јавува за време на пубертетот, сепак, може да се појави и кај возрасни. Прекумерното лачење на себум од лојната жлезда, блокада на екскреторниот канал со кератин приклучок и присуството на бактеријата Пропионибактериум акни (Cutibacterium acnes) делуваат синергистички и го забрзуваат формирањето на мозолчиња.

Тие најчесто се појавуваат на лицето, градите, грбот и рамената и има неколку форми: acnae comedonica, acnae papulopustulosa, acnae nodulocystica, acnae conglobata. Какви и да се, тие бараат третман од дерматолог.

Стандардната терапија може да биде општа или локална, во зависност од тежината на акните. Го опфаќа целиот спектар на лекови, од антибиотици до ретиноиди – деривати на витамин А. Некои од нив носат ризици и мора внимателно да се земаат, по можност во текот на месеците кога нема премногу сонце, па доколку имате проблеми со акни – следниот период е идеален за да и обезбедите на кожата соодветен третман. Исто така, во комерцијална употреба, постојат многу дермокозметички препарати направени специјално за да ги задоволат потребите на кожата склона кон акни и несовршености.

Од друга страна, периодот на борба против КОВИД-19, кој е зад нас и пред нас, создаде нов проблем со популацијата – акни предизвикани од носење маски. Заштитните маски се претежно изработени од материјали кои не се природни, поради адхезијата на маската за лице, се создава анаеробна средина и се прилепуваат сите природни секрети од носот и устата – идеална ситуација за создавање мозолчиња. Дури и ако не сте склони и претходно ги немавте, шансите да се создадат во оваа ситуација се големи.

Кога станува збор за акните, главната препорака како златен стандард е да консултирате со дерматолог кој ќе одлучи која терапија е најдобра за вас и кој ќе ви помогне да изберете соодветен производ за нега на вашиот тип на кожа.

Маслото од сандалаво дрво помага во борба со акните и може успешно да ги излекува, а резултатот да е траен. Маслото има противвоспалително и антисептичко дејство кое ги третира и лекува акните многу подобро од кремите и лосионите кои ги имаат истите својства.

Помешајте коцка свеж квасец со малко млеко. Добиената смеса нанесете ја на лицето и почекајте да се стврдне. Исплакнете со млака вода. Оваа маска е особено погодна доколку имате проблем со затнати пори кои предизвикуваат црнки и акни.

Пијте една чаша топла вода секој ден за ја прочистите кожата. Топлата вода е особено препорачана за луѓе кои имаат проблеми со акни.