Колку време е потребно за да дознаете дали Тој е вистинскиот?

За да знаеш дека некој е вистинскиот не треба да помине многу време, не е потребна долгогодишна врска. Тоа чувство е толку едноставно и величествено. Во мигот кога ќе се споите ќе осетите. Хемијата е на завидно ниво од самиот почеток, разговорот со разбирање тече како река. Со вистинскиот треба да имате слични животни ставови и одлуки, оти така најлесно ќе ви врви заедничкото постоење. Очи полни искри, срце полно топлина, насмевки и солзи во исто време. Се е лесно кога постои компромис и разбирање. За вас љубовта и врската тогаш ќе биде лесна како песна. Проблемите ќе ги решавате со брза постапка, рамо за утеха ќе имате во секоја доба. Само неколку минути некогаш можат да бидат пресудни, да знаете дека тој е тој, за вас идеален и вистински. Трудете се со отворени очи да ја согледате ситуацијата, да процените дали тој сега што сте го добиле е вреден и за на старост. Човек човека треба да лекува, не да растажува. Ако боли и е горчливо не е вистинското за вас. Раширете ги ширум капиите на вашето срце чим ќе пронајдете ваков човек. Оти, животот без љубов и разбирање не вреди да се помине. Подобро бидете сами додека не го запознаете вистинскиот, излегувајте и влегувајте во кратки врски, само не трошете време онаму каде нема зошто.