Рецепт за убав ден на Игор Марков

Денеска со вас својот рецепт за убав ден го споделува уникатниот и талентиран Игор Марков.

Убав ден за мене значи исполнет ден. Мојот динамичен карактер има потреба времето да му е пополнето. Идеалниот ден за мене значи збир на активности кои резултираат со продуктивно трошење на времето и дел поминат со пријатели и блиски фамилијарни членови. Бидејќи сум навистина вљубен во модата не поминува ден, а да не пролистам моден магазин, модно размислувам и скицирам некоја идеја. Креативната идеја која тлее во мене едноставно имам потреба да ја ослободам. Омилена форма на социјализација ми е без дилема вечера во некој фин ресторан или ланч бар во комбинација со коктел и друштво од близок пријател со кој можеме да дискутираме и анализираме се и сешто. Посета на некоја галерија или музеј од областа на уметности исто така би допринела во голема мера во тоа што значи за мене квалитетно поминат ден.