Некогашното кралство – дестинација за вљубените
![](https://ubavo.mk/wp-content/uploads/2017/04/bay-in-cefalu-sicily-33733-780x470.jpg)
Ве носиме на најголемиот остров на Медитеранот.
На Сицилија ќе имате чувство како да се наоѓате на некоја друга планета. Поубава планета. Остров чии брегови излегуваат на три мориња: Јонско, Средоземно и Тиренско. Поради својата специфична местоположба подложен е на вулкански активности и земјотреси.
Сицилија некогашното кралство е остров на љубовта, песочните плажи, богата историја и култура, прекрасно вино и специфична вкусна кујна. Едно од оние места на светот кое ако еднаш го посетите ќе ви остане врежано во мислите и срцето. Најпозната е по одгледувањето на лимони и портокали. Како туристи најмногу ќе ве привлечат руралните делови на Сицилија кои го имаат задржано исконскиот начин на живот и преживување. На овој прекрасен отров се наоѓаат многу важни археолошки тврдини и локалитети. Две спротивности се карактеристични за овој остров. Северната страна која е стрмна и со поладна клима и море, додека јужната страна е потопла и плитка поради близината на Афричкиот континент.
Средоземната клима е преубава. Во летните периоди температурата не поминува повеќе од 40 степени, во зимните не помалку од 10 степени. Главниот град на Сицилија го носи името Палермо. Препознатлив е по градската галама, гужвата во сообраќајот, големата раздвиженост и убавата и необична архитектура која е збир од грчки, римски и арапски стил.
На целиот остров ќе имате можност да уживате во посета на убави цркви, манастири и катедрали. Не ја пропуштајте катедралата посветена на Богородица која е изградена во дванаесетиот век со специфична фасада и која важи за една од најубавите во Италија.