Како да го изберете вистинскиот тип на масло за вашите кадрици?

Кадрици + масло за коса се совршена комбинација, но не било која! Експертите се согласуваат дека видот на кадрици треба да биде репер за избор на вистинското масло за коса.

Честото и несоодветно користење на производи за нега на коса може да направи повеќе штета отколку добро. Експертите велат дека жените, особено оние со виткана коса, често прават грешки кога станува збор за изборот на вистинското масло. И за да се спречи тоа да се случи, тие ви откриваат на што треба да обрнете посебно внимание при изборот на масло што ќе ги задоволи сите потреби на вашите кадрици.

Пробајте масло со силикони

Природно кадравата коса е сува и разлетана, бидејќи маснотијата од скалпот не може да се спушти по должината на косата до краевите, како што е случајот со права коса. Затоа е најдобро да ги третирате кадрици со масло што содржи силикони. Освен што овој тип на масло ја хидрира косата, благодарение на комбинацијата на две супстанции во составот, создава и повеќе сјај од обичното масло.

Ако вашите кадрици се густи:

Обидете се со хранливо, густо масло

Овој тип на масло е најдобрата опција бидејќи останува на површината на косата, и не продира во нејзините подлабоки слоеви, што значи дека сјајот и хидратацијата траат подолго. Природно витканата коса може да ја издржи тежината на маслото, така што не мора да се грижите за губење на обемот и обликот на вашата коса. Обидете се со рицинусово масло, богато со витамин Е и масни киселини. По миење со шампон (и плакнење), и пред да нанесете регенератор, истријте го овој тип на масло во вашата коса. На овој начин ќе постигнете добра хидратација не само на косата, туку и на скалпот, која исто така може лесно да се исуши.