Зимница за подобра крвна слика, одличен имунитет и брз метаболизам!

Смесата складирајте ја во тегли. Не заборавајте дека треба да бидат добро затворени и на ладно (замрзнати).

Потребни состојки: 1кг цвекло, 1кг мед, 1кг лимон, 1кг целер, 1кг морков и 1кг јаболки.

Цвеклото и морковот излупете ги, а јаболките само добро покиснете ги во вода и користете ги со лушпата добро измиени. Лимонот искиснете го во вода со малку сода. Сите состојки изблендирајте ги во миксер. На крај прелијте со медот и складирајте ги во тегли кои добро ќе ги затворите на крајот.

Поради тоа што ќе излезе голема количина најдобро е голем дел од смесата да ја замрзнете за да не ви се расипе. Одмрзнувајте тегла по тегла. Нема да имате проблем при замрзнувањето на теглите (испробано). Можете и во пластични добро затворени садови да ја замрзнете зимницата која ви гарантира добра крвна слика и одличен имунитет.

Секое утро по две супени лажици.