Ако имав магично стапче или дух од магична ламба или златна риба, ќе имав само една желба…

Ако имав магично стапче или дух од магична ламба или златна риба,

ќе имав само една желба… Малку себична, ама искрена.. Ќе посакав

само едно, ќе те посакав тебе.. Да си до мене секогаш, во дождливи

ноќи, во светли утра, кога сум тажна, кога сум среќна… Особено во

вакви ноќи кога се спрема олуја.. Па да се стуткам во тебе, оти ми е

ладно… Да спијам спокојно, па макар надвор и небото да се отвори…

Па на сред ноќ, да ме повлечиш накај себе, а јас се смеам подмустак,

оти ми е топло во срцето… И нозете испреплетени, оти моите се

секогаш ладни, а твоите топли… Па ти да сакаш да ме љубиш, а јас се

преправам дека неќам , дека ми се спие.. Па да ми се свртиш со грбот,

оти ми си скаран, а јас те гушкам со цело тело и со раце и со нозе, за

да ми се смириш.. А уствари ти само сакаш да ти дишам во вратот, си

знаеш дека лажам…. И пред изгрејсонце да ти шепнам, за да ми

олесни на душата, за да те потсетам, ќе ти шепнам ТЕ САКАМ…

Автор: Андријана Думевска