Чоколадни коцки со авокадо!

За денес одбравме здрав и вкусен десерт. Авокадото е одлично за нашето здравје, па затоа треба да го употребуваме често. Овој десерт е идеален за оние кои внимаваат на килограмите. Добар апетит!

Потребни состојки: 

• 120 грама пире од јаболки
• 120 грама мед
• 1 лажичка ванила екстракт
• 3 големи јајца
• 50 грама кокосово брашно
• 1 големо авокадо (зрело)
• 40 грама какао
• 1 прашок за пециво

Подготовка:  Загрејте ја рерната на 180 степени. Во голем сад измешајте ја содржината од авокадото, пирето од јаболка, медот и ванила екстрактот. Додадете ги јајцата едно по едно и матете со миксер додека смесата не стане хомогена. На крај додадете ги кокосовото брашно, какаото и прашокот за пециво. Промешајте добро и прелијте ја смесата во плех обложен со хартија за печење. Печете го во веќе загреаната рерна 30 минути. Оставете да се олади па исечете го на коцки.