Молчeливо и повлечено дете – проблем или не?

Молчеливоста и повлекувањето кај децата може да бидат само фаза, но исто така и дел од карактерните особини кои почнуваат да се појавуваат многу рано.
Кога на детето не може да му се извлечат повеќе од две површни реченици, и му се поставуваат прашања кои може да добијат многу широк одговор, а тоа одбива да одговори соодветно и кога оваа фаза расте во секојдневие, се фаќате во тесно со фактот дека можеби повлечено дете. Што да правите и како да реагирате?

Таквото однесување може да се однесува на одреден внатрешен проблем што детето го носи во него и не го познава, не знае како да му пристапи или едноставно не сака да комуницира за него.

Ако има внатрешни проблеми, обидете се заедно да ја откриете причината за проблемот. Не вршете премногу притисок, туку полека поставувајте прашања кои се прилагодени на вашето дете, односно преку игра или на сличен начин. Не правете ништо со наметнување помош, критикување, викање или раскажување на други луѓе за неговите проблеми или карактер, бидејќи тоа само ќе ја влоши ситуацијата. Внатрешни проблеми кои можат да настанат поради различни фактори се стравот, несигурноста, гневот, вознемиреноста, недовербата. Детето кое е оптоварено со такви чувства е претежно пасивно, повлечено и има проблеми со самодоверба и не сака да се вклучи во општеството. Откако ќе видите за што станува збор, полесно ќе најдете начин да му покажете како да се ослободи и бори со чувствата вашето дете.

За да бидете сигурни за што всушност станува збор, поставете си ги прашањата што ќе ви помогнат во ваква ситуација:
Колку време навистина му посветувате на вашето дете?
Дали знаете како се однесува кога не сте присутни?
Што го прави среќно или тажно?
Со какви пријатели се дружи?
Колку е добра вашата комуникација еден со друг?
Колку ограничување му задавате?
Какви очекувања имате од него?
Кои се неговите потреби?

За да си помогнете да ја разберете личноста на детето, мора да бидете свесни дека постојат интроверти и екстроверти во општеството. Првите се полнат со енергија додека се сами, додека екстровертите уживаат само кога тие се опкружени со голем број на пријатели. Совладајте го фактот дека не се сите луѓе еднакви и постојат различни видови на карактери, обидете се уште во раната возраст да разберете во која категорија спаѓа карактерот на вашето дете.

Она што е еден од главните приоритети на секој родител е задачата што ја имате како авторитет над вашето дете и лицето кое го подигнувате и учите за животот. Значи, зависи од вас како и до кој степен ќе го научите на правилата за добро однесување, без разлика дали ќе ги разберете неговите потреби и како ќе го научите да се справи со стандардните ситуации во општеството. Од друга страна, пак, исто така треба да се посвети многу време детето да се научи како да се однесува и како да се справи со влијанието на модерните времиња и на одредени правила кои што ги носи.

Бидете сигурни дека децата учат и го копираат однесувањето на нивните родители повеќе отколку од нивните зборови, па кога има контрадикција во однесувањето и воспитувањето на родителот во голема мера може да го вознемири и да го повреди тоа детето. Поттикнете го, вашата поддршка е најважна. Запишете го на спорт или некоја креативна активност како танцување, цртање или пеење, така навистина може да му помогнете да си ги регулира чувствата кои ги носи во себе.

Бидете внимателни, развивајте комуникација на вистински начин и бидете свесни дека чувствителното дете бара поголемо внимание, поддршка и љубов, но исто така и искрена пофалба.