Како да се преживее стресот?

Чиста вистина е дека живееме во стресно време. Затрупани сме со обврски, информации и здодевни луѓе. Постојано брзаме, а никако не стигнуваме на време.

Има неколку начини како да се справите со стресот:

Најнапред, идентификувајте ги ситуациите и луѓето кои ви предизвикуваат чувство на стрес, а потоа доколку е возможно избегнувајте ги!

Не ги потиснувајте емоциите. Не е срамота да се изнаплачете, доколку тоа е она што ви треба. Не чувајте ништо во себе, така само ќе си наштетите.

Запомнете дека секоја ситуација која ви предизвикува тежина е минлива. Некогаш минува побрзо, некогаш побавно, но таа нема да биде трајна. Засукајте ги ракавите и направете се што е во ваша моќ за да решите одреден проблем или да промените одредена ситуација која ви предизвикува стрес.

Престанете да се измачувате со тоа дали ги носите правилните одлуки. Никој не знае колку неговите одлуки се правилни или не. Времето ќе покаже. До тогаш, опуштете се!

Секогаш кога мислите дека ќе експлодирате, сетете се на сите лоши моменти кои сте ги проживеале. Било полошо, нели? Не грижете се, имате вие сила да го преживеете секој проблем.

Бидете сега и овде, колку и да звучи како клише! Фокусирајте се на она што ви се случува сега. Пронајдете ја убавината во секојдневните, мали нешта!

Дури и да не верувате во Бог, знајте дека има некоја сила која ве чува и ве насочува кон вистинскиот пат, секогаш.