Тука е се, само не живот…Лудница…

Лудница

Делови огорчени,
прости и неизмерени,
лоши параметри,
криви агли,
и само една соба.
Лудница.
Душа темна,
ден црн,
густа магла
и само една држава.
Лудница.
Живот тежок,
сува солза,
дупка полна
и само една Земја.
Лудница.
Бели дрвја,
зелено небо,
птици без крилја
и само една тажна приказна.
Живот.
Тука е можно,
се што мислиш дека е невозможно.
Тука човек јаде луѓе,
а животните се потсмеваат,
оти тоа е нели нивна работа.
Тука денот е ноќ,
а ноќта болна,
кралот е дно,
а народот слеп.
Нем.
Очаен.
Глупав, при ум.
Тука е се,
само не живот.
Лудница.

Автор: Софија Величковска

Испратете и Вие ваш текст на info@ubavo.mk