Совети како да си го олесните чистењето на домот

Брилијантно исчистена куќа низ која се шири пријатен мирис е сон на многу домаќинки, но со многу обврски едноставно немаме доволно време да се посветиме само на домашните работи.  Затоа советите за побрзо и полесно чистење се исклучително популарни, а најмногу сакаме кога ни заштедуваат пари, па не мора да купуваме некои нови производи. Не е тајна дека меѓу сите хемикалии за домаќинство најмногу ни се допаѓа омекнувачот и најчесто го купуваме според мирисот.

Чувството на чистота што не обзема кога ги растегнуваме или пегламе свежо измиените алишта е токму она што постојано го посакуваме. Така, со овие совети, можете да си го дадете истото чувство во следните ситуации.

1. Често менувајте ја кесата за ѓубре

Многу луѓе не ја сакаат оваа работа токму поради тоа што ги одбиваат непријатните мириси.

Меѓутоа, доколку направите само една мала промена, обврската повеќе нема да биде толку тешка.

Нанесете малку омекнувач на влажно марамче и кога ќе ставите нова кеса во корпата, наместете го марамчето на работ.

Секогаш кога ќе ја користите корпата, мирисот на влажните марамчиња и особено омекнувачите ќе ги неутрализираат и совладуваат другите, непријатни мириси. И само затворањето на кесата – кога ќе се наполни – ќе биде помалку непријатно.

Дополнителен совет – не чекајте кесата да се преполни.

2. Кога ги отстранувате дамките од рамките на прозорците и вратите

Не се препорачува употреба на абразиви на прозорци и врати од постаро производство, особено на собни врати обоени со обична боја.

Затоа отстранувањето на дамките е макотрпна работа, па омекнувачот може да ви се најде и овде.

Направете раствор од омекнувач и вода, испрскајте ја површината и оставете да отстои малку.

Добро избришете со микро крпа, а на најсилните дамки можете да нанесете малку концентриран омекнувач со сунѓерче.

3. При чистење на теписи и килими

Способноста на омекнувачот да ја раствора нечистотијата и да дава прекрасен мирис и мекост на ткаенините треба да се користи при чистење на теписите.

Направете раствор од најчестиот шампон или течен сапун и вода и додадете малку омекнувач.

Добро исчистениот тепих истријте го, оставете го да се исуши и повторно исчистете со правосмукалка.

Ќе уживате во чистотата и прекрасниот мирис!