Парфемот ќе мириса на кожата долго време: задолжително направете 1 работа

Ви откриваме мали трикови со кои вашиот омилен парфем ќе трае подолго на вашата кожа.  Ако сте една од дамите кои не можат да живеат без парфем, сигурно сте се нашле во ситуација вашиот омилен мирис на вашата кожа да трае кратко, односно брзо да испарува. Постојат неколку трикови со кои можете да го решите ова. Секако, може да се работи за парфем или тоалетна вода што е малку послаба, но и во тој случај ефектот на мирисот можете да го продолжите со правилно нанесување. Постои и еден вид подготовка на кожата со која подолго ќе уживате во омилениот мирис.

За почеток, тоалетната вода содржи помеѓу 8 и 10 проценти парфем и трае неколку часа, додека парфемната вода има помеѓу 10 и 20 проценти парфем и може да трае најмалку четири часа.

Сите веќе знаеме дека парфемот треба да се нанесува на одредени места за да може подолго да трае и да ја „пушти“ неговата вистинска магија. Мирисот се нанесува зад увото, на зглобовите, во внатрешниот дел на лактот и зад колената. Некои практикуваат да прскаат парфем во воздух и да минуваат низ него, но тоа навистина не е добра тактика.

За да трае колку што е можно подолго, треба да го нанесувате директно на кожата. Исто така, многумина од нас нанесуваат парфем на едниот зглоб и се тријат со другиот за да го пренесе мирисот. Ова треба да се избегнува. Имено, на тој начин се создава триење кое поттикнува создавање на топлина, што значи дека парфемот побрзо ќе испари од површината на кожата.

Пред тоа, најдобро би било редовно да ја пилингувате кожата за да ги отстраните сите мртви клетки од површината, а потоа да нанесете лосион за тело, по можност со масло или само да ја хидрирате кожата со малку масло. Парфемите одлично се комбинираат со масла и помагаат да се изразат на нашата кожа. Секако, доколку можете, користете лосион или масло со ист мирис како вашиот парфем или од иста линија, па ќе го подобрите мирисот.

Парфемот треба да се нанесува на места каде што топлината на телото нежно ќе го ослободи парфемот додека не испари. Тоа се и места каде што можете да го почувствувате пулсот, како што се вратот, односно зад увото, зглобовите, внатрешните делови на лактот и зад коленото, но и во папокот и на предната страна на раката.

Бидејќи парфемите траат подолго на ткаенините отколку на нашата кожа, нанесете ги на некои парчиња што често ги носите, како што се марами или облека. Така подолго ќе уживате во парфемот, односно секогаш кога ќе го носите омиленото парче.

Ако не сте сигурни дали вашиот парфем се чувствува или не, прашајте пријател за мислење. Можно е да сте се навикнале на омилениот мирис и едноставно повеќе да не го чувствувате. Во тој случај, обидете се да го промените парфемот што го користите неколку дена за да „одморите“ од вообичаениот.