Овие лоши навики носат тага и несреќа, променете ги што побрзо!

Сите понекогаш се чувствуваме тажни и несреќни, но треба да работиме на себе за да не ни стане навика. Ако ги исклучиме лошите околности и работи на кои апсолутно не можеме да влијаеме, треба само да погледнеме длабоко во себе и да ја откриеме причината за нашата несреќа. Многу психолози веруваат дека рецептот за успех лежи во менувањето на три особено лоши навики, со кои де факто ја саботираме нашата шанса да бидеме среќни. Во продолжение дознајте за кои навики станува збор.

Лелекање и жалење
Лелекањето е непријател на среќата. Без разлика на тоа колку задоволство чувствуваме кога „одиме до крај“, тоа е само привремено задоволство кое брзо ќе биде заменето со очај. Нема ништо лошо во изразувањето на незадоволството ако тоа води до позитивна промена во однесувањето. Постојаното кукање без да се обидувате да промените нешто, од друга страна, само ќе доведе до поголема фрустрација и на крајот апатија.

Запоставување на себеси
Мали се шансите да бидете среќни доколку не се грижите за себе. Како ќе уживате во животот ако не спиете доволно, не сте задоволни со вашата тежина и немате енергија да го завршите она што сте го започнале? Пред да добиете шанса да бидете среќни, треба малку да ги засукате ракавите, да поработите на себе и да не дозволите летаргијата и бесцелноста повторно да ве одведат под своја закрила.

Одложување
Одложувањето на обврските нема да има добро влијание врз вашата благосостојба. Одложувањето е пред се многу стресно, бидејќи во моментите кога не го правиме она што треба да го правиме, не можеме ни вистински да се забавуваме. Кога на тој начин бегаме од одговорност и труд, во суштина стануваме психички послаба личност, која не е способна да се соочи со новите предизвици.