Како да направите пилинг за тело сами дома: 2 рецепти

Направете си спа ден во домот! Во продолжение два рецепти за домашен пилинг за блескаво чиста и мека кожа.

Пилинг од кафе
-кафе
-маслиново масло
Ако сами си правивте кафе наутро, не брзајте да го фрлите преостанатиот талог. Треба малку да се исуши и да се измеша со неколку лажици маслиново масло. Кофеинот го стимулира метаболизмот, ја подобрува циркулацијата на крвта и совршено ги лупи мртвите честички на кожата. Маслиновото масло, од друга страна, длабоко ја храни и хидрира кожата.

Пилинг од ориз
-ориз
-вода / јогурт
Темелно исплакнете и исушете го белиот ориз. Откако оризот е целосно сув, смелете го во блендер или кафемат за да добиете трошки. Измешајте ориз во прав со вода или јогурт (првата опција е посоодветна за мрсна кожа, втората за сува кожа) и нанесете го пилингот на чиста кожа.