Арс Ламина подарува моќен, едукативен и инспиративен прирачник за секоја жена!

Една наша читателка ќе ја наградиме со моќен, едукативен и инспиративен прирачник „Книга за телото“ од Камерон Дијаз! 

Храни го, движи го, разбери го и сакај го своето неверојатно тело

Светската филмска ѕвезда Камерон Дијаз служи како пример за милиони жени ширум светот во текот на нејзината кариера. Но, како што самата признава, таа не била отсекогаш посветена на здравјето како што е сега.

Во „Книга за телото“ Камерон ја споделува сопствената формула како да се биде поздрава, посилна и посреќна личност.

Како млада девојка, Камерон не размислувала секогаш за тоа дека одлуките што ги носи за својата исхрана и својот начин на живот ќе влијаат на нејзиното здравје во годините што доаѓаат. Но, во изминатите 15 години, таа открива дека она што го јаде секогаш е поврзано со тоа како се чувствува и како изгледа. Тоа сознание – дека исхраната влијае на животот – ја натера да истражува и да дознае кој е најдобриот начин на исхрана, физичка активност и грижа за нејзиното тело.

Во ова нејзино авторско дело, таа ги презентира пристапот и филозофијата за долг, здрав и среќен живот, поддржани од бројни научни истражувања на светски експерти, а пренесени на нејзин личен јазик, стил и страст.