7 едноставни трикови за вашата коса секогаш да биде убава

Редовно кратете ги краевите
Дури и ако целта ви е долга коса, треба да посетувате фризер на секои 3 месеци. Ако редовно кратите околу половина сантиметар коса, врвовите на косата ќе бидат убави и здрави.

Заштитете ја косата од студот
Како деца, нашите родители не принудуваа да носиме капи во текот на зимата со причина: не само што ја загрева главата и го намалува ризикот од настинки, туку и ја штити косата од штетното влијание на ниските температури. Зимните капи, не само што ќе ја спасат вашата коса од студ, туку и ќе бидат одличен додаток на вашиот изглед.

Користете серуми и масла за заштита од топлина
Високите температури на косата не се помалку штетни од ниските температури, па затоа експертите препорачуваат секогаш да користите серуми и масла за заштита од топлина (особено ако редовно ја обликувате косата со фен или преса).

Нега во повеќе чекори
Главната функција на шампонот е чистење на косата, а мора да се користат балсами и маски за хидратација, нега и зајакнување на косата. Не е неопходно да се купуваат голем број скапи производи – природните масла прават одлична работа во заштитата на косата.

Масажа на скалпот
Растот и здравјето на косата првенствено зависат од состојбата на скалпот. Редовната масажа на главата ја стимулира циркулацијата на крвта и има корисен ефект врз состојбата на вашата коса. Масажата може да се направи рачно или со помош на специјални четки за масажа.

Пилинг на скалпот
Редовното отстранување на нечистотиите и мртвите клетки од кожата е неопходно не само на лицето и телото, туку и на скалпот. Сега пазарот нуди огромен број специјални пилинзи за скалпот, со различни компоненти за нега. Направете пилинг 2-3 пати месечно, а наскоро ќе забележите пријатни промени во изгледот на вашата коса.

Внимавајте на исхраната
Без оглед на производот што го користите, вашата коса има потреба од исхрана не само однадвор, туку и одвнатре. Недостатокот на витамин е една од најчестите причини за сува и кршлива коса, па затоа треба да бидете сигурни дека вашето тело го добива она што му е потребно. Исхраната мора да содржи здрави масти, витамини Е и Д и разни минерали.