Љубоморни сте на неговата бивша девојка?

Пред се љубомората е чувство кое најпрво се појавува од сопствена несигурност, кога ние не сме сигурни ниту во себеси, а ни во партнерот и врската.

Основата на љубомората е несигурноста и стравот поради недостаток на самодоверба во себе. Жените што се љубоморни мора да научат многу добро да ја контролираат љубомората, за таа не се претвори во опсесија, бидејќи во тој момент кога ќе станете опсесивно љубоморни, животот ќе ви се претвори во кафез. Ќе се затворите во кафезот и ќе се чувствувате беспомошно, тажно, депресивно, и нема да можете да се концентрирате на ништо друго освен на непријатното чувство кое сами сте го создале. Наместо да љубоморите и да си снимате свои филмови во главата, престанете со претпоставки и непотребни нервози, фокусирајте се на себе, подобрете си ја самодовербата така што ќе бидете продуктивни во текот на денот.