Рецепт за убав ден на Лена Заткоска Маротов

Денешниот рецепт за убав ден со вас го споделува девојката со супер убав вокал Лена Заткоска Маротов!

Специјално будење во 06 часот од мојот мобилен, едно кафе со шеќер, будење на првачето наше Габриел, подготовки за на училиште и здрав појадок. Во 08 часот веќе да сме во училиште и со гушка и бацка се испраќаме, да бидеме умни и послушни, он во училиште а јас на работа. 13.30часот – вежбање во теретана, потоа следи средување и спремање за часови. Габриел се зема од училиште па следи фамилијарен ручек пропратен со муабети кој како го поминал денот, малку телевизија и средување домашни задача и рано на спиење!