Пред да одлучите да се тетовирате еве што треба да знаете!

Интересни предлози за постојана декорација на телото.
Освен тоа што е еден од најстарите начини за декорирање на вашето тело, тетовирањето носи со себе бројни мисли и сомнежи за тоа дали навистина сме доволно храбри да живееме со нешто на нашата кожа и ако е така, што навистина би можело тоа да биде. Тетовирањето е многу привлечно и популарно насекаде во светот, но важно е да бидете сигурни во вашата одлука и да се придржувате кон вашите правилата.

Тетоважата во првите денови е “рането место” и бара грижа според овој факт. На почетокот, треба да се осигура дека тоа место нема да е изложено на сонце и не е предмет на физичка активност што предизвикува зголемено потење, бидејќи тоа може да доведе до инфекција на местото.

Одлуката за местото на тетоважите е тешка како и изборот на самиот мотив, и сето тоа зависи од тоа дали сакате вашата ознака на телото да биде скриена или видлива. Ако сакате да биде скриена, можете да ги тетовирате градите, грбот, стомакот, бутовите или кој било дел од телото кој може да се покрие главно со облека. Од друга страна, ако сакате тетоважата да биде секогаш видлива, одберете интересен дел од телото. Обидете се да го прилагодите според она што навистина сакате да го ставите како украс на вашата кожа. При изборот на тетоважа, бидете сигурни дека кожата се менува и релаксира со години, така што изгледот на вашата тетоважа може целосно да се промени со опуштањето на кожата.

Во секој случај, внимателно размислете за причината зошто сакате да се тетовирате, мотивот и местото кое ќе го изберете, затоа што таа декорација ќе остане со вас засекогаш. Избегнувајте ги актуелните популарни мотиви само поради нивната популарност, бидејќи тетоважата ќе остане за вас кога популарноста на одреден мотив ќе згасне и така ќе го изгуби своето значење.

Ако размислувате за тетовирање и сѐ уште не сте одлучиле кој мотив сакате да го отпечатите на вашата кожа, спремивме некои интересни предлози за мали популарни тетоважи.