Посна торта со чоколадо и бисквити – брза и лесна подготовка

Ова е посно уживање кое ќе го сакаат оние кои не постат.

А за време на постот не треба да се занемари желбата за слатки. Затоа ви претставуваме рецепт за едноставна торта со чоколадо и бисквити, која се подготвува брзо.

Состојки:

• 200 грама посни бисквити
• 200 грама чоколадо за готвење
• 100 грама посен маргарин
• половина чаша млеко од соја или вода (по избор)
• 6 лажици шеќер
• 100 грама печени мелени лешници
• 50 грама кокос
• 2 лажици какао во прав

Подготовка:

Во подлабок сад искршете го бисквитот на поголеми парчиња, додадете ги лешниците и промешајте. Во тавче на тивок оган истурете млеко од соја или вода, маргаринот исечкан на коцки и издробената чоколада за готвење и мешајте додека не се стопат сите состојки.

Кога ќе се стопат состојките се оставаат на оган додека смесата не зоврие. Кога ќе зоврие со смесата прелијте ги бисквитите и лешниците и убаво измешајте ги сите состојки. Потоа смесата за колачот истурете ја во калап или плех и израмнете ја тортата со лажица.

Добро изладете пред да ја исечете и послужите. Кога ќе ја исечете тортата, посипете ја со кокос.