Неделен хороскоп {12.06 – 18.06}

Што предвидува хороскопот за новата недела што е пред нас?

Прочитајте во продолжение.

ОВЕН

Овните оваа недела ќе се посветат на своите деца со кои ќе поминуваат сè повеќе време во дружба и игри. Но, внимателно и немојте да ја запоставите својата работа. Некој од вашите колеги ве следи во секој чекор и едвај чека да погрешите за да се умилкува кај претпоставените. Бидете свесни за тоа и ширум отворете ги очите.

БИК

Биковите оваа недела ќе уживаат во мирен период. Ќе се посветите на своето семејство, дружбите со најблиските пријатели и конечно ќе го најдете спокојот во себе за кој долго чекавте. Искористете го времето максимално за убави работи во друштво на најсаканите луѓе. Оваа недела не е поволна за промена на работното место.

БЛИЗНАЦИ

Застанете малку и вдишете воздух! Оваа недела мора да се одморите од сите обврски кои ви се натрупаа изминативе неколку недели и од сиот стрес кој сте го собрале во вас. Најдете издувен вентил за стресот за да не му наштетите на вашиот организам. Јога, медитација, трчање, релакс масажа, изборот е ваш. Поминувајте што повеќе време во природа и избегнувајте ги негативните луѓе.

РАК

Оваа недела, ѕвездите се на ваша страна. Искористете ја максимално, блеснете во сиот сјај. Сите работи ќе ви тргнат од рака. Потпишете ги важните договори, поканете ја девојката која ви се допаѓа на вечера, играјте игри на среќа. Оваа недела е поволен период и за сите оние кои планираат нови почетоци како започнување на бизнис, промена на работно место или веридба.

ЛАВ

Престанете да се напнувате за ситници. Гледајте ги малку работите од посветлата страна и верувајте дека сè ќе биде во ред. Оваа недела внимавајте на вашите зборови и дела бидејќи многу Лавови со непромислени реакции и муабети може да влезат во конфликти со најблиските луѓе. Избегнувајте ги неформалните средби со колегите бидејќи може да дојде до непотребни тензии.

ДЕВИЦА

Нештата може да бидат едноставни, но вие како да ги комплицирате. Немојте толку често да се распрашувате самите себе. Дајте им време на луѓето што ви значат и време на времето. Проблемите кои сега ве мачат и ви се чинат нерешливи, веќе од идната недела ќе почнат да добиваат своја разврска. Наместо да размислувате, бидете малку спонтани и заборавете оваа недела на она што ве мачи преку дружби и излегувања со пријателите.

ВАГА

Оваа недела ќе се чувствувате напнато и ќе мислите дека ништо не ви оди од рака. Консултирајте се со вашите блиски за вашите важни потези, без разлика дали станува збор за оние на деловен или љубовен план. Немојте да носите избрзани одлуки за кои подоцна ќе се каете, поради тоа што сте нервозни.

СКОРПИЈА

Оваа недела ќе ги подзаборавите работните обврски, бидејќи комплетно сте насочени кон личноста која го освои вашето срце. Бидете романтични и покажувајте и колку многу ви значи. Пронајдете и заедничко хоби кое ќе ви помогне уште повеќе да се поврзете. Искористете го слободното време за разговор со вашите родители и слушнете што имаат да ви кажат.

СТРЕЛЕЦ

Оваа недела е поволен период за сите оние кои планираат принова во семејството или преселба. Што се однесува до работата, избегнувајте да носите избрзани заклучоци. Прифатете ги критиките. За многу Стрелци, оваа недела ќе означи старт и за нов, поздрав начин на живот кој ќе вклучува многу спортски активности и избалансирана исхрана.

ЈАРЕЦ

Ве чека возбудлива недела, особено на работното место. Конечно ќе го добиете унапредувањето кое го посакувавте и покачување на платата. Многу од Јарците ќе добијат единствена шанса да работат на некој голем и важен проект или ќе отпатуваат во странство поради деловни обврски. Побарајте поддршка и разбирање од семејството за тоа што оваа недела повеќе време ќе минувате на работа, наместо дома.

ВОДОЛИЈА

По мрзеливоста која ве имаше фатено изминатиов период, време е да се фатите за работа. Престанете со одложување. Завршете ги сите задачи и обврски пред да започне викендот за да можете опуштено да уживате во него. На љубовен план, ве очекува недела исполнета со слатки изненадувања од страна на партнерот и многу страст.

РИБИ

За Рибите оваа недела ќе биде период кога ќе добијат одговори на некои важни прашања. Судските спорови кои сте ги воделе со години, оваа недела можно е да добијат пресуди во ваша корист. Оние што аплицирале за работа ќе добијат позитивни одговори и ќе продолжат да ја градат кариерата на ново работно место. Според ѕвездите, неделава е идеална за почеток на заеднички живот со партнерот.