На кои луѓе вратите им се секогаш отворени?

По се изгледа дека на шармантните луѓе им се отворени сите врати. Тие едноставно восхитуваат штом ќе се појават и веднаш добриваат што ќе посакаат. Некои луѓе се родени  со шарм, но исто така шармот е карактеристика што се стекнува. Еве некои од карактеристиките кои ги поседуваат шармантните личности:

За време на разговор, тие го фокусираат вниманието на лицето со кое разговараат. Тие одлично слушаат, не да го прекинуваат соговорникот во ниеден момент. Кога зборуваат, тие внимателно избираат зборови бидејќи за нив тие имаат големо значење. Сè што кажуваат има смисла и цел. Шармантните луѓе се отворени за совети и извонредно го ценат туѓото мислење и знаење. Знаат дека никој не е совршен и дека е во ред да побараат помош некогаш. Тие навистина им веруваат на луѓето од кои бараат совети.

Тие го читаат говорот на телото и невербалните комуникации им се важни исто како вербалните. Тие се обидуваат да дознаат повеќе за другите, да создадат силна поврзаност за време на разговорот, правејќи го разговорот порелаксиран и позитивен. Тие не се фокусираат на себе и кон сите гледаат со почит, без разлика дали се тоа родители, пријатели, колеги, познаници или странци.

Имаат став и силно се држат до него. Нивното расположение и однесување не се менуваат драстично и луѓето се чувствуваат удобно во нивно друштво, бидејќи знаат што можат да очекуваат. Тие се опуштени и се чувствуваат добро во нивната кожа. Исто така, тие се шегуваат секогаш повеќе на своја сметка.