Најлесниот рецепт за домашен хумус од тиква

Откако дојде есента, изгледа не ни е доста од тиква во сите јадења и облици. Оваа зима хранете се здраво, јадете тиква во сите комбинации. 

Толку сочно, слатко и неодоливо, со добра причина се „меша“ во се. А за вашето омилено есенско овошје да биде дел од вашата трпеза за појадок, покрај тоа што ќе ви биде во секоја супа за ручек, пијалок за ручек и прелив за тортиљи за вечера, денес ви носиме уникатен рецепт за подготовка на хумус од тиква. Најдобро од сè е што за него ви требаат само 6 состојки.

Потребни состојки: 2 лименки наут, околу 425 гр. 4 чешниња лук, 1/4 лажица маслиново масло, 6 лажици таан, 4 до 6 лажици сок од лимон, ½ чаши пире од тиква, ким, сол и бибер – по вкус

Во шерпа со средна големина ставете наут и едно чешне лук и покријте со еден сантиметар вода. Оставете да зоврие на силен оган. Кога ќе зоврие, намалете и варете додека наутот не почне да се распаѓа, околу 20 минути.

Одвојте една шолја од течноста во која сè се свари. Наутот исцедете го и префрлете го во блендер. Додадете го преостанатиот лук, маслиновото масло, таанот, сокот од лимон, пирето од тиква и две лажици од резервираната течност. Мешајте додека не се добие еднолична смеса.

Кога ќе го завршите, ако хумусот изгледа премногу сув или премногу густ, додадете уште малку течност, сок од лимон или маслиново масло. Конечниот резултат треба да биде кремаст и да изгледа мазен. Зачинете по вкус со ким, бибер и сол.