Кафе пред тренинг: Да или не?
![](https://ubavo.mk/wp-content/uploads/2017/08/coffee-around-the-world_emag_article_large.jpg)
Кафето пред тренинг, или како „пијалок пред тренинг“ е се попопуларен тренд, а дали навистина помага, се обидуваме да дознаеме во продолжение. Редовните вежбачи понекогаш земаат суплементи за да имаат повеќе енергија, а овие суплементи, меѓу другото, содржат и многу кофеин. Некои од додатоците може да имаат и до 500 mg кофеин, што е еквивалентно на пиење три двојни еспреса. Да не зборуваме колку често суплементите содржат шеќери и слични адитиви, а нивната цена е висока.
Помалку интензивна алтернатива е дефинитивно кафето. Една студија од 2016 година покажа дека оние кои земале кофеински додатоци пред тренинг забележале „значителни подобрувања“ во брзината и просечната сила. Со оглед на тоа, важно е да се нагласи дека препорачаната дневна доза на кофеин е помеѓу 3 mg/kg и не треба да надминува 6 mg/kg/ден. Тоа значи дека жена од 60 килограми треба да консумира помеѓу 180-360 mg дневно.
Доколку сакате да го испробате ефектот на кафето пред тренинг, оптималното време за пиење на овој напиток е 30 до 60 минути пред почетокот на вежбањето, за да почне да делува кофеинот, велат експертите. Меѓутоа, ако тренирате навечер, тогаш кофеинот може да биде премногу стимулирачки и негативно да влијае на нашиот сон и заспивање. Затоа, прескокнете ја оваа навика навечер и придржувајте се до водата.
Кафе пред тренинг
Овој пијалок се препорачува од повеќе причини. Достапен е, лесен за конзумирање, ефтин и ако не претерате, има неколку предности.
Го намалува заморот
Ова е повеќе за човек кој станува рано пред работа или бара дополнителна сила после напорниот работен ден. Кофеинот е ефикасен природен стимуланс. Нè прави повнимателни – со блокирање на соединението на аденозин што предизвикува поспаност и дозволувајќи и на хипофизата да ослободува адреналин, што прави да се чувствувате будни.
Ја зголемува силата
Пиењето кафе го стимулира централниот нервен систем. Кафето го зголемува отчукувањата на срцето и, како што сугерираат некои студии, исто така го зголемува протокот на крв во мускулите – што е важно за мускулите да ја добијат потребната енергија среде тренингот.
Го подобрува времето на реакција и концентрацијата
Адреналинот е нашиот хормон „бори се или бегај“. Кафето пред тренинг не остава спремни за движење, молскавично во трчање по топката и слични спортови.
Ја зголемува оксидацијата на мастите
Конечно, бројни студии покажаа дека кафето ја зголемува оксидацијата на мастите. Со зголемување на базалната температура (термогенеза), откриено е дека кофеинот помага да согорите повеќе калории додека вежбате. Секако, не претерувајте, инаку ќе добиете морници, а на некои и главоболки.