Од васУбави муабети
И ништо повеќе не е важно се дур усните се сладат со медовина
ЉУБОВЕН ПАРФЕМ
Разбудени чувства,
со мирис на патчули и сандаловина,
прекриени со превез од мошус и кора од портокал,
на дожд од кристали,
нежно танцуваат валцер
опиени од мирисот на кедрово дрво и цимет.
Во допирот од ванила и во здивот од јасмин,
заљубено воздивнува килибарот и патем,
нежно и невино се насмевнува под лимоновото дрво.
Длабоки се погледите нивни,
со боја и мирис на абонос
и во нив се крие грижливо тајната на животот.
Очи во очи,
очи со отсјај на ѕвезда,
се гледаат со љубов
дур танцуваат валцер на патеката од рози.
И времето станува неважно.
И денот се претопува во ноќта,
а ноќта во денот.
И ништо повеќе не е важно
се дур усните се сладат со медовина.
СОФИЈА ПЕТКОВСКА
Испратете и Вие ваш текст на info@ubavo.mk
