Знаевте ли дека сте кралици?

Секоја жена е прекрасна на свој и единствен начин.

И токму како жена која секогаш е „бомбардирана“ со совршеноста на убавиците од насловните страни на магазините и нивните најлајкувани фотки на социјалните мрежи, нормално е понекогаш да почувствувате пад на самодовербата и да имате грижи околу својот изглед.

И сосема е нормално да сте растревожени, збунети, загрижени поради одредени појави, емоции и мисли околу вас, на вас и во вас.

Но, запомнете неколку работи и повторувајте си ги често.

СЕКОЈА ЖЕНА ИМА МАЛКУ ВИШОК САЛО!

И тука нема ништо чудно. Не е страшно. Не боли. Ретко која жена има рамен стомак кога ќе се наведне или стутка. Сакајте го своето тело со сите недостатоци и лузни, тоа е единственото кое го имате.

ПОКАЖУВАЊЕТО ЕМОЦИИ Е ЗНАК ДЕКА СТЕ СИЛНИ!

Не е срамота да се исплачете. Да покажете дека во вас тлее нешто. Не е штетно тоа. Поштетно е да се правите дека ништо не ви е!

ПОНЕКОГАШ И НАЈУБАВИТЕ ИЗГЛЕДААТ ЧУДНО!

Сте се уплашиле ли некогаш од вашиот одраз во огледалото во раните утрински часови? Не сте единствени! Наутро, сите сме потечени, бледи и мамурни. Не верувајте во фотографиите со хаштаг #wokeuplikethis. 🙂

НЕ ПРОПУШТАЈТЕ ГИ ПРИЛИКИТЕ ПОРАДИ НЕПРИЛИКАТА

Колку пати досега сте биле заглавени во врска која ве гушела и измачувала, која ви ги кратела крилјата и не сте биле своја? Бидете нечиј приоритет, а не резервен план!

ВЕРУВАЈТЕ ВО ВАШИОТ ИНСТИНКТ

Оти ретко кога ќе ве излаже!

И најважното, ако некој ви каже дека сте прекрасна, прифатете го комплиментот со насмевка. Вие сте кралица и треба да се однесувате токму така!