Зимски куглоф со бело вино – вкус на кој нема да можете да одолеете!

Куглоф со варено вино е идеално задоволство за овој период од годината. Има феноменален вкус и се подготвува за помалку од еден училишен час. Самата подготовка е едноставна и трае од 10 до 15 минути. Намирници? Сигурно ги имате дома.

Потребни состојки:

• 4 јајца
• 270 гр шеќер
• малку рендана кора од лимон (половина лажица)
• трошки од леб
• Путер за подмачкување
• 350мл бело вино
• 20мл сок од лимон
• 40мл сок од портокал
• цимет, каранфилче и кора од портокал, по вкус, за варење на виното

Подготовка:

Поделете ги жолчките и белките. Во жолчките додадете шеќер, кора од лимон и промешајте. Кога жолчките се добро изматени, изматете ги белките (на кои ќе додадете 70 грама шеќер) во цврст снег. Додадете ги изматените белки во мешавината од жолчки и шеќер и мешајте, лесно, со миксер за храна. Калапот од куглоф добро намастете го со путер и посипете со лебни трошки, за да не се залепи тестото. Ставете го куглофот во загреана рерна на 180 степени и печете го 30 минути. Во меѓувреме, сварете го белото вино со 100 грама шеќер и зачини по вкус. Кога ќе се испече куглофот (и откако ќе го одделите парчето за деца), посипете го со вареното вино. Кога добро ќе се олади, исечете го на парчиња.