Десерт со кој пораснавме, а го обожуваат и нашите деца!

Наједноставен, брз и превкусен десерт! Идеален е за љубителите на чоколаден вкус помешан со лешници или ореви. Потребни се само пет минути да ги измешате состојките и да ја ставите смесата на печење.

Состојки:

1 чаша шеќер
1 чаша брашно
1 чаша мелени лешници или ореви
1 чаша кисела павлака
1/2 чаши на какао
1/2 чаши масло
1 ванилин шеќер
1 прашок за пециво
4 јајца

Сите состојки ставете ги во длабок сад и со миксер измешајте ги. Потоа на плех ставете хартија за печење и полијте ја смесата. На 170 степени печете го колачот 45 минути. Од како ќе се излади прелијте го со топено чоколадо, кокос или шеќер во прав.