Грешки при нанесување на маска за коса кои сите ги правиме

Грешки при нанесување на маска за коса може да ја оштетат нашата коса и да ја направат фризурата безживотна.

Секој фризер ќе ви каже дека регенераторот е составен дел од секое миење на косата, а исто така дека маската за коса е нешто сосема друго, кое треба да го користите барем еднаш неделно доколку сакате да имате здрава коса. Сепак, иако го знаеме сето ова, или не користиме маска за коса или ја користиме погрешно. Еве за што се работи.

Грешки при нанесување на маска за коса
Маската за коса и дава сјај, ја храни, ја подобрува нејзината еластичност и цврстина, а тоа, без разлика на типот на косата, дефинитивно треба да биде приоритет. Но, дали знаете како правилно да нанесете маска за коса? За оние кои имаат сериозно оштетена коса, се препорачува маската да се нанесува навечер, да се преспие и наутро да се измие косата. Но, што е со редовната употреба?

Реално, маската за коса најчесто ќе ја нанесуваме како последен чекор од миењето на косата за време на туширањето. Но, колку е правилно да се нанесе маската на целосно влажна коса?

Ако ја нанесете маската на коса натопена во вода, фоликулите на косата нема да ги добијат сите придобивки што ги дава маската, односно косата ќе апсорбира помалку производи. Она што треба да го направиме е нежно да ја исцедиме косата или да натопиме крпа. Дури тогаш треба да ја нанесеме маската, поминувајќи со прстите по целата коса. Откако ќе ја измиеме косата од маската и ќе ја исушиме со фен, ќе имате подобар волумен, поголем сјај и поздрава коса.