Рецепт за убав ден на Марта Ѓоргиевска

Во рубриката „Рецепт за убав ден“ се трудиме секогаш да имаме оригинални личности со уникатни рецепти за убав ден. Една таква личност е и Марта, оригинална, шармантна и со ептен добар рецепт.

Ја имам таа среќа да бидам она што сакам да сум.
Нормално, за работите кои зависат само од мене.

А мојот рецепт за убав ден е :
Прстофат надеж,
една голема шолја кафе,
еден поглед во огледало и насмевка за добро утро и убав ден,
барем едно направено добро дело за душа полна задоволство,
читање минимум  50 страници добро книжевно дело,
додај неколку силни прегратки,
зачини со љубов, а не со завист, омраза и нетолеранција,
по желба се додава чаша сортно вино во комбинација со омилена музичка плејлиста,
имај срце полно благодарност, радост и емпатија,
за чиста и мирна совест, за добар сон и убав живот.