Проблеми со спиењето после тренинзите? Каква е поврзаноста?

Повеќето физички активни луѓе знаат дека вежбањето ни помага полесно да заспиеме. Истражувањата го докажаа ова одново и одново, но најновата студија покажа дека вежбањето непосредно пред спиење може да биде извор на проблеми со спиењето кај здрави возрасни лица.

Проблеми со тренинзите и спиењето
Истражувањето објавено во списанието Sleep Medicine Reviews сугерира дека вежбањето со висок интензитет два часа (или помалку) пред спиење може негативно да влијае на квалитетот на сонот. Од друга страна, периодот од повеќе од два часа помеѓу одењето во кревет и спиењето ни овозможува да заспиеме „како бебиња“.

Според студијата, зголемениот пулс е една од причините зошто на учесниците им било тешко да заспијат набргу по вежбањето со висок интензитет, бидејќи тоа довело до физиолошка возбуда, од која не се опоравиле ниту три часа откако престанале да вежбаат…

Покрај тоа, истражувачите ги наведоа заморот на централниот нервен систем и промените во температурата на телото како фактори кои влијаат на квалитетот на сонот после вежбање.

Поточно, почетокот на спиењето може да биде одложен поради телесната температура предизвикана од вежбање, се наведува во студијата.

Ова се случува затоа што температурата на нашето тело мора малку да се намали за да заспиеме. Спиењето може да биде нарушено ако температурата на телото е сè уште висока.

Што ако сакате да тренирате навечер?
Според студиите, вежбањето со висок интензитет, завршено повеќе од два часа пред спиење, може да има многу придобивки за спиењето. Дополнително, краток период на акутна физичка активност со висок интензитет, за разлика од комплетниот тренинг, не треба да има никакви последици за здрави, млади и средовечни возрасни лица без нарушувања на спиењето.

На квалитетот на сонот може да влијае и видот на вежбање што го правиме навечер: трчањето е поверојатно да предизвика замор и воспаление на мускулите поинтензивно отколку возењето велосипед, на пример.

Затоа, обидете се да вежбате два или повеќе часа пред спиење, без разлика дали одите во теретана или вежбате дома. Ако не можете да се организирате или едноставно сакате да тренирате пред спиење, направете го тоа брзо и, ако е можно, направете го со помал интензитет.