Освен тампоните што друго може да предизвика токсичен шок?

Оваа сериозна болест се јавува кога бактеријата Staphylococcus aureus ги лачи своите токсини во крвотокот. Најчесто, синдромот на токсичен шок се јавува за време на менструацијата, кога користите тампони. Ако тампонот остане во телото премногу долго, стафилококите ќе се размножуваат во крвта, а концентрацијата на токсини ќе се зголеми.

Многумина не знаат дека синдромот на токсичен шок не се јавува само како последица на користење тампони. Може да биде компликација на одредени кожни инфекции, особено кај луѓе кои се хронично болни. Многу ретко, овој синдром е предизвикан од инфекција на рана по породувањето (и вагинално породување и царски рез). Понекогаш, тоа е поврзано со ткивна инфекција или пневмонија.

Без оглед на причината, симптомите се исти. Висока температура (над 39 ° C), осип (особено изразен на рацете и нозете), низок крвен притисок, како и дигестивни проблеми (повраќање, дијареја). Често постои слабеење на функцијата на бубрезите и црниот дроб, како и намалување на бројот на тромбоцити. Често, пациентите имаат болки во мускулите и главоболки, а се појавуваат несвестица и дезориентираност. Не секогаш сите симптоми ќе се појават кај сите пациенти, но барем неколку се секогаш присутни.

Терапијата секогаш мора да е препишана од лекар а тоа е обично голема доза на соодветен антибиотик. Ако лекувањето не започне на време, може да биде фатално.