Овие расправии најавуваат дека доаѓа крај на врската

Иако расправиите се составен и неизбежен дел од секоја врска, има такви расправии кои се сигнал дека нешто дефинитивно веќе не е во ред во вашата врска. Веќе не се расправате за тоа кој на кому повеќе му посветува внимание и како еден од вас двајца се однесувал во друштво. Сега вашата кавга е за многу посложени прашања кои можат да ја загрозат вашата врска.

Ако вашите расправии претежно се сведуваат на еден од овие проблеми, можеби е време да се подготвите за раскинување:

Интимни односи – Паровите кои не се задоволни од сексуалниот живот, честопати се обидуваат да го променат, но за тоа не коментираат често за да не му наштетат на партнерот, туку бараат начин да ги вратат своите заспани страсти. Но, кога овој напор е отсутен и штом забележите дека вашиот партнер повеќе спие во друга просторија, дека тој е скоро секогаш уморен или нема време, сексот сигурно е тема број еден во секоја ваша расправија. Ако страста е згасната и наместо да се сакате, генерално се расправате, можно е крајот на врската да е веќе на вратата.

Комуникација – Комуникацијата е клучот за секоја среќна врска. Кога ќе забележите дека постепено почнува да ви недостасува доверба и двајцата почнувате да си премолчувате одредени работи, ќе забележите дека кавгите стануваат почести. Ниту еден од вас не сака да се оддалечи, но и двајцата се затворате во себе и наместо да разговарате за проблемите што ве вознемируваат, вие двајцата изберете да молчите. Ова е една од главните причини поради која порано или подоцна и двајцата ќе заминете на своја страна.

Заедничко време – Можете ли да се присетите на вашата врска од почеток? Сигурно едвај чекавте да го поминете секој слободен момент заедно. Сега не сте баш сигурни кога последен пат имавте време само за вас двајца. И двајцата имате премногу обврски, а имате и избор да го поминете дури и вашето слободно време во активности што не ве вклучуваат двајцата. Ќе дојде момент кога тоа ќе биде вознемирувачко за некој од вас и ова ќе стане една од главните причини за почести кавги.

Ако забележите дека работите ви излегуваат од рака, дека кавгите се чести и не можете да ги контролирате, соберете храброст и завршете ја приказната. Подобро да се сеќавате на сите убави заеднички работи што ви се случиле, отколку да дозволите секојдневните кавги да ви ги уништат најсаканите спомени!