Не ме интересира колку многу ви е топло!

Влегувам во маркет, влегувам на работа, влегувам во такси, влегувам во лифт и единствениот муабет кој го слушам последниве неколку дена е колку многу ви е жешко и како имате чувство дека ќе се онесвестите.

А, мене не ми е? Па не одам наоколу и да зборувам само за тоа. А сте помислиле ли како им е на оние работници кои работат на отворено? Или на дечките што работат по плажите и базените како келнери? Вие се разладувате, тие вадат сипаници!

Па нели сакавте сонце, лето и високи температури? Ама ете, на некои луѓе никако да им се погоди и само се жалат. На зима им студи, коски им се тресат, на лето им жежи, се топат. Никако не ви чини!

Јас навистина не знам како не ви доаѓа да уживате во летото, па макар и да треба да се прскате со пиштолчиња на вода по дома, отколку само да негодувате?