Карамелизиран кромид од рерна: Фантастичен и незаборавен вкус

Карамелизираниот кромид е одличен додаток на секое јадење. Одлично оди со печено месо, компири, тестенини, а можете да го ставите и во сендвич помеѓу две кришки леб.

Доколку не сакате да стоите еден час покрај шпоретот и полека да го карамелизирате во тава, одлични резултати можете да постигнете и во рерната.

За овој рецепт најдобро би било да користите бел кромид. Исечете го на четвртинки, испечете го со суво црвено вино.

Состојки за печен кромид:
900 гр кромид исечен на четвртинки
125 мл црвено вино
3 лажици маслиново масло
1 лажица шеќер
½ лажичка сол

Подготовка на печен кромид:
Загрејте ја рерната на 220 степени.

Кромидот исчистете го и исечете го на четвртинки. Распоредете го на плех за печење.

Во тенџере измешајте ги виното, маслиновото масло, солта и шеќерот. Истурете ја смесата врз кромидот.

Покријте го плехот со алуминиумска фолија и ставете го во загреана рерна 30 минути.

Потоа извадете ја фолијата, измешајте го кромидот и печете уште 30 минути додека да омекне и да се карамелизира.

Пријатно.