Исхрана и запек: Која храна го ублажува овој проблем?

Исхраната и запекот се тесно поврзани, и додека некои намирници можат да предизвикаат запек, други го спречуваат… Запекот е здравствен проблем кој се дефинира како движење на дебелото црево само два до три пати неделно. Поради начинот на живот, неактивноста и лошата исхрана, запекот станува се почест кај повеќето возрасни.

И додека постојат многу лекови кои можат да ни помогнат да се ослободиме од запек, најздравата опција е секако природната. Затоа ви откриваме како да го промените дневното мени, а со тоа да спречите запек.

Исхрана и запек
Суви сливи – Ова овошје, во сушена состојба, содржи 11 грама влакна по чаша. Затоа тие се првата и најчеста опција во борбата против затворот. Истражувањата покажаа дека луѓето кои консумираат 100 грама суви сливи дневно имаат подобро варење, а со тоа и почесто празнење на дебелото црево. Обидете се да го вклучите ова овошје во вашето дневно мени, било како дел од појадокот, во овесна каша, како додаток во салати или во смути.

Јаболка – Јаболкото е богато и со влакна, но и со сорбитол. Затоа ги намалува проблемите предизвикани од затворот. Можете да ги јадете свежи, или да ги исецкате во овесна каша. Исто така, ренданото свежо јаболко може да биде идеален освежителен додаток на салатите.

Овошје со семка – Праски, цреши, вишни, манго, кајсии… Ова овошје е богато со лаксативи како робитола, но и растителни влакна, кои помагаат за подобро варење и почесто празнење на дебелото црево. Истражувањата покажаа дека луѓето кои консумирале 300 грама манго четири недели, лекувале хроничен запек.

Киви – Неколку студии покажаа дека две киви дневно благотворно делуваат на цревата и спречуваат запек, а исто така го олеснуваат празнењето на цревата. Тоа, покрај влакната, се должи и на одредени ензими кои ја омекнуваат столицата и помагаат да се исфрли од телото.

Круши – Крушите се и мешавина од сорбитол и растителни влакна, а се идеални во борбата против запек. Можете да ги консумирате сами, или да ги додадете во јогурт, салати…

Храна од цели зрна – Овесот, киноата и јачменот содржат влакна кои ослободуваат слуз во цревата, а со тоа го олеснуваат изметот.

Хидратација – Покрај сите овие намирници, советот на лекарот е да пиете доволно вода, незасладени чаеви и сокови кои ќе ги хидрираат цревата и ќе помогнат при празнење на цревата.