Биди КУЛ невеста!
![](https://ubavo.mk/wp-content/uploads/2017/09/boho-luxe-coastal-tipi-wedding-27-780x470.jpg)
Ти си среќна и задоволна. Тоа е твој ден и ти ќе уживаш во него. Сите очи ќе бидат вперени во тебе, и тоа е баш супер. Од огромна количина на среќа ќе мислиш дека може да леташ. И, треба. Летај! Но, немој високо.
Биди насмеана и културна, дури и кога луѓето ќе ти додеваат и ќе те замараат. Кога децата ќе застанат покрај тебе, насмевни им се. Тоа ќе им биде вистинско доживување. Сите луѓе на свадбата дошле да те испочитуваат тебе, твојот младоженец и родителите. Па, испочитувај ги и ти нив.
Немој да бидеш нервозна ако не е се онака како што си замислувала и планирала. Не е важно! Биди среќна. Уживај во тоа што го имаш.
Од моментот кога ќе ја напуштите куќата Ти си главна! Сите ќе гледаат во тебе и во младоженецот (повеќе во тебе). Но, немој да го очекуваш тоа внимание целиот ден.
Не привлекувај дополнително внимание. Оти ќе делуваш нападно, а тоа на никој нема да му одговра. Биди непосредна и спонатна. Немој да бидеш недостижна за комуникација и за танц. Немој да ја запаметат и зборуаат твојата свадба како свадба со арогнтна и нервозна невеста. Па кој сака такви младенци? Никој, сигурно ни ти.
Не постои правило кое вели дека ти и младоженецот треба да бидете цело време заедно, да бидете вечерта неразделни. Одвојте се малку. Забавувај се и танцувај со гостите, тие се таму само поради тебе.
Ако си личност која не обожава внимание, прегратки и бакнежи ќе мораш да издржиш неколку часа. Од кога ќе започне забавата луѓето ќе го тргнат погледот од тебе и ќе се забавуваат. (малкумина и ќе гледаат без престан во тебе и ќе го пратат секој твој чекор, но ти ќе издржиш машки 🙂 )
Биди опуштена, пријатна и природна. Никако не смееш да бидеш извештчена и да глумиш. Најважно е да бидеш своја и на тој твој голем ден. Тој ден навистина е голем, но по тоа што ти сега ќе станеш госпоѓа и можеби ќе го промениш презимето. Така нека те помнат, а не по променетото однесување.
Уживај во својот ден, и не дозволувај ситници да ти го расипат расположението затоа што тој ден е денот кој ќе го паметиш засекогаш!